يالفندق اللي قبل عامين بالقيس=سكنت بك أربع ليال مخبوره
بالساحل الشرقي لدار السناعيس=والحكم لله ثم لأخوان نوره
تجددت ذكراك ياعرش بلقيس=اليوم جتني عنك مرسول صوره
جتني مع الجوال ما جات بالفيس=احيت لذكرى بالخفوق محفوره
حمستني بدعايتك حيل تحميس=ودي أزورك يا ديار معموره
الصدر فيها ما يعرف الوساويس=ما شفت فيها بالنفوس مغروره
الطيب فيها والحيا والنواميس=ملجا لناسٍ(ن)بالزمان معسوره
فيها شواهد للرقي دون تلبيس=تنظيم راقي بكل لفه ودوره
ما دنسوها بالزمان الجواسيس=ولا كانت الحرة بيوم مخفوره
يالساحل الشرقي شغلت الهواجيس=نفسٍ(ن)تولع فيك حق معذوره
حماك ربي من فعول النخابيس=ناسٍ(ن)تخطط للردى ومعثوره
أحلامهم ترجع عليهم كوابيس=أشكالهم في مجتمعنا محظوره
وختامها بعوذ بالله من ابليس=يارب عفوك والذنوب مغفوره

المشاركة الأصلية كتبت بواسطة مخاوي الذياب (المشاركة 166008) صح لسانك مليااااااار واكثر ابداع شاعر في كل حلاتك لله درك خالص التحيو والاعجاب

المشاركة الأصلية كتبت بواسطة أبو الطيب (المشاركة 166017) صح لسانك وفيت وكفيت لا هنت خالص الاحتراااااااااااااام

المشاركة الأصلية كتبت بواسطة القنـــــاص (المشاركة 166019) صح لسانك يا ملك الشعر ابداع في كل فنونه خالص التحية

المشاركة الأصلية كتبت بواسطة الشمري (المشاركة 166023) صح لسانك واللد يديم على الوطن أمنه وأمانه خالص الاحترااااااام لك يا بن الكرام

المشاركة الأصلية كتبت بواسطة الشريف (المشاركة 166024) صح لسانك قصيدة رائعة لله درك خالص الود

المشاركة الأصلية كتبت بواسطة وافي الوافي (المشاركة 166026) صح لسانك واعتلا شانك هذه القصيدة بتسوي دعاية للفندق مجانية