شكيتك للقصيد اللي تناوح من سمع لبكاي=وهلت عبرت الطاروق وأبكت لي تلاحيني
على لحن القصيد اللي تراقص من لحن مغناي=لقيتك في نغم شعري تضحكني وتبكيني
تنفستك غرام وشوق ما فكرت في بلواي=حسبت الحب يسعدني لقيته جمر يكويني
تجرعت لهواك وسم حالي يا بعد رجواي=توقعته من أوجاع الزمن قبلك يداويني
لكن الحب يا كافي بلا ما كان فيه دواي=سلبني راحة التفكير صرت من المجانيني
لكني ما حسبت حساب لأوجاعي ولا للداي=على شأن الغلا ضحيت باللي كان مغنيني
أسامر للطيوف الزايرة في هجعه للمساي=أحس بلوعة الأشواق فيها مثلها فيني
تعانقها حلوم الليل من عقب صلاة عشاي=طيوفٍ(ن)طردها مثل السراب ولا ترويني
غديت لحبك الساحر على ما قيل عازف ناي=مشاعر قلبي المغرم تسابق في شراييني
أحب الحب من شأنك من أول دنيتي لأتلاي=غرامك يا حبيب الروح بعروقي يغذيني
فدتك الروح لأجلك بنحر لخفاقي بيمناي=على باب الهوى اللي يمكم دربه يوديني
على شأنك كتبت الشعر والليله كتب رثاي=نحرني حبي الطاغي ولا به من يواسيني
بعد طال الغياب ولا تحقق بالزمان مناي=فدتك الروح روحي فدوتك وأول قرابيني
تقبلها حبيبي كان شفك بالغرام رضاي=أنا اللي فدوتك ما أبيك يا عمري تفديني
شكيتك للقصيد اللي تناوح من سمع لبكاي=وهلت عبرت الطاروق وأبكت لي تلاحيني