ودي أنشد مخلف الهقوات عن معنى الرجولة=هي كلام وفعل وإلا وحده منها تكفي
يا هلا يا مرحبا بك يالكريم ابن الحمولة=ليش ما تكشف قناعك ليش خائف ومتخفي

مسا النور والسرور والعلم الطيب وابشر بالرد
الرجوله فعل والرجال بين من فعوله= والكلام يهف جعله مع مراح مقيط هفي
البقا بك يالملرحب عد غيث في نزوله= دام وان النور والع جعل نورك مايطفي

مخلف الهقوات تركض في ميادينه خيوله=والولد شاعر لكنه طيب وصافي مصفي
صاحبي عارف حصيله مير عرضه ضر طوله=والرجال أصناف يا مخلف مقبل مع مقفي

صاحبي شاعر لكنه قام يقرع في طبوله= مير مايقدر بضلع سليم لو حاول يدفي
جرت الفوال طاحت وانكفى فالارض فوله= خسر دام ان الزباين شافت الفول متكفي

يازعيم سليم ياللي ودك تحقق بطوله=لا تميدح بالشكالة وأنت فانوسك مطفي
جرة الفوال ما تنظف ولو زود غسوله=وأنت تدري ماني بيمه ولا لي فيه شفي