قريت القصيد اللي يعبر عن المقصود=مسويه شاعر دار في هاجسه حسبه
ورد بي قصيدي فوق عد الهوى المارود=مع الشاعر اللي شل طاروق يشرب به
يقول الهوى دربه يقرب من المنقود=وأنا اقول ما صاب البنادم فمن ربه
ليا ولعت نار الهوى في صميم الفود=تجيك المشاعر داخل النار منحطبه
تظلي تقابس كنها قابس البارود=ليا ناش شق النار مع عاصفٍ هبه
يطير لذيذ النوم ويضيع المجهود=على قولهم ياحالة المغرم الصعبه
يظلي حنينه كنه الحاشي المفرود=ليا شملت أمه ولو كانت بجنبه
سهوم الهوى من صابته كن فيه قيود=طعون الهوى تذبح بلا خنجر وحربه
شواهد جروح الحب ما تحوجك لشهود=ليا صابت لقلب الهوى يعلن لذنبه
تهيج المشاعر كل ما هب ذاري نود=يحرك لذكرى داخل الجوف منكبه
تضيع البصائر لا غدا دربها مسدود=تسوى من الحبة على قولهم قبه

تقديري