أخر قصيدة يا قصيدي والوداع=ما عاد أنا وإياك يالشعر رفقا
الشعر والشاعر ليا حل النزاع=بين المشاعر كل مجمول اتقا
رفعت ببحور القوافي للشراع=أيام كان الفكر شعري يعشقا
عدا لنجم سهيل فوقه بإرتفاع=فوق الثريا بالجزالة حلقا
حلق علق على متن السحاب وعاد قاع=بعد غياب اللي على شأنه رقا
اللي على شأنه كتب الشعر باع=كسب لعمره مير أنا عمري شقا
حاول يجاملني لكنه ما إستطاع=وإختار للهجران ما عدنا صدقا
طوى حبال الود بعد الحلم ضاع=وإختار من باقي زمانه ما بقا
يا شينها لا صار بالود إنقطاع=حلق المشاعر بالمواجع يشرقا
يختل ضغط الدم ويعقب صداع=والدم من نار التباعد يحرقا
النفس تتعب من معاناة الصراع=لن صارت الفرقا تصارع للقا
يا صعب ماهو فاتنا للإرتجاع=يبعد عن الأعيان موجود اتقا
مهما بقاله بالحشا نور وشاع=ماهو بعيد بيوم لأصله يلحقا
وأعمارنا بأيامنا ساعة متاع=منهو على ما قيل فيها يسبقا؟
أخر قصيدة يا قصيدي والوداع=ما عاد أنا وإياك يالشعر رفقا