يا عشيرٍ(ن)غيابه ما رحمني=محرق القلب كنه جوف ناري
كنت مجروح من غيبتك عني=ما دريت الغياب لظرف طاري
ليت غيبتك جات بحسب ظني=خير من روعتي من علم صاري
روعتك منها قلبي يوني=ونةٍ(ن)حولت ليلي نهاري
يابعد كل من حبه سكني=ماكتبه الولي للعبد جاري
لو جرى ما جرى لي ما شحني=مير الك ما حصل فالأمر غاري
من سمعت الخبر صرت متعني=مشتقي بالنهار وبالمساري
كن يدهج بقلبي فعل جني=الهواجس مثل عاصف عصاري
مشغل الفكر بهجوس التمني=ودي أجيك والغالي يزاري
كيف برتاح وأنته صرت مني=ياعشيرٍ(ن)بكلي صرت داري
منيتي دايم تكون متهني=ما يكدر لصفوك لو غباري
يحفظك من خلق شيعي وسني=محصي الرمل في كل البراري
يا عشيرٍ(ن)غيابه ما رحمني=محرق القلب كنه جوف ناري