عاتبيني كان جا مني قصور=لا تروحي في ظروفٍ(ن)مبهمه
العتاب ينظف اللي بالصدور=والسكوت يزيد حالة مظلمه
لا تقولي ماش والقلب محرور=فضفضي وأعد هذا مكرمه
لا تخبي وش تحسي من شعور=كان قلبك قاضيٍ(ن)في محكمه
اسألي قلبك عن غياب وحضور=وين يلقى راحته يا ملهمه
ثم ردي لي خبر والصدق نور=والصراحة ميزةٍ(ن)للمسلمه
لا تزيدي جور بٌعدك بعد جور=تتركيني للظروف مسَلمه
التجافي ما يجيب إلا شرور=والتصافي للمودة مرحمه
المحبة ما تجي تحت القبور=والصدود بدون عذرٍ(ن)مندمه
لا تهدي ما بنينا من قصور=لا تكوني بعد جودك محرمه
كم كتبتك في سواليف وسطور=وكم نظمتك في قصيدي ملحمه
ما توقعت الزمن كذا يدور=الليالي ما تدوم مقسمه
مقبل الأيام يحمل للكدور=شنت جنود الهموم منظمه
الهموم تزورني عدة شهور=كنها داخل حشاي ملحمه
السعادة كانت لماضي عصور=والبقايا يا حياتي مشأمه
عاتبيني كان جا مني قصور=لا تروحي في ظروفٍ(ن)مبهمه