الجادل اللي نادرة بالوصايف=ما مثلها بالذوق والطيب والوصف
عفيفةٍ(ن)من بد كل العفايف=قلبي لها ماعشت للغالية وقف
عشقي لها ما كان نزوة لقايف=وإلا عرض لي بالزمن عابر وصدف
وليفتي ما مثلها بالولايف=جتني تزف أشواقها للهوى زف
هليت ثم رحبت ترحيب كايف=يا مرحبا مليون ياناعس الطرف
إقلط بصدر القلب مجلسك نايف=منزلك قلبي دام لك بالهوى شف
البيض بعدك ما عليهن حسايف=لو كان فيهن ملح خليتهن خلف
فيهن عفيفاتٍ(ن)وفيهن شرايف=لكن جماك دفهن للقهر دف
خليتهن خلفك و لاني بخايف=مليون منهن ما يساون للكف
فديت عودٍ(ن)ساترته اللفايف=وفديت ناب الصدر والعنق والردف
فديت كلك يا حسين الطرايف=كلك على كلك من الحسن منلف
أمر تدلل خذ فؤادي غرايف=دامك عسفته بالغلا ياغلا عسف
أنت النظر للعين برضاك شايف=يا علني ما أعدمك يالناعم الترف
يالجادل اللي نادرة بالوصايف=ما مثلكِ(ي)بالذوق والطيب والوصف

المشاركة الأصلية كتبت بواسطة المستشــار (المشاركة 186301) صح لسانك دائما مميز تقبل التحية

المشاركة الأصلية كتبت بواسطة عبد المجيد (المشاركة 186304) شاعر القوافل صح لسانك قصيده رائعه حفت بمشاعرك و إحساسك العذب