كم بقى من ليلنا يكفي مجيك=راح ليل وجد ليل ولا لفيت
طال ليلي ما ظهر للعين ضيك=لا عذر جاني ولا بالوعد جيت
بذمتك بالناس واحد صار زيك=توعد وتخلف وكنك ما دريت
كيف أميز بين شمس وبين فيك=كلها سيان بالحب افتريت
ليتني ما جئت لك راجي لميك=لو طلبت المي من غيرك رويت
يا عنا روحٍ(ن)تبي شربك وريك=بذمتي لتموت وأنته ما سقيت
مير غلطة قلت:يقنعني شويك=ليتني ما كان ياليل إحتريت
لو دريت إن الوفا بالوعد سيك=كان أخذت الليل بأوله وسريت
ما بقى من ليلنا كافي مجيك=راح ليل وجد ليل ولا لفيت