يا فيصل لذيذ النوم جافا عيوني=وجنبي تجافا عن نعومة فراشي
لكن قرب الموتر عسى الله بعوني=نويت السفر قدام وقت الغباشي
عزمت السفر بزور ناس أشغلوني=قبل لا يبان الصبح يا بوك ماشي
لهم مدةٍ(ن)غيًاب ما واصلوني=ولاني بخابرهم هواة الطناشـي
وأنا أظنهم بعد المودة نسوني=وهذا سبايب علتي وارتباشي
سنينٍ(ن)طويله عمرهم ما قطعوني=ولا باعوا الغالي رخيص وبلاشي
ابازورهم وازيح شك وظنوني=تصافق بفكري بين شيءٍ(ن)وماشي
طويل المسافة والسفر ما حدوني=عن اللي غلاهم ساكنٍ(ن)وسط جاشي
على شانهم كل الصعايب تهوني=تهون المسافة والبعيدة تناشي
أنا من غلاهم للصعايب زبوني=ورجلٍ(ن)يقصر باللوزام لا عاشي
وجوبٍ(ن)علي أزورهم لو جفوني=ورزقي على الله مكتفل بالمعاشي
بوفي حقوق أصحابي اللي سلوني=أنا ما بنيت الطيب فوق الهشاشي
هلي يا فتى على الشهامة ربوني=قصور المعزة ما تعود عشاشي
وأنا بعدهم بأوصيك لا تكون دوني=تعلم علوم المرجلة واعط كاشي
وصاتي تلاقيها ثنايا لحوني=تجود بها وأترك علوم الهباشي
ترى الطيب يبقى والبشر يرحلوني=تدلك عليها سيرةٍ(ن)للنجاشي
وترى الحر يا فيصل لعهده يصوني=ونورٍ(ن)عدا نور الملك للتلاشي
أوصيك يا فيصل حذاري تخوني=ترفع وحاذر لا تجالس للاشي
وماهو كتب ربك لعبده يكوني=عسى الله يجمعنا بظل الغواشي
رحيمٍ(ن)كريم معليٍ(ن)للمزوني=وأمرها تهل الوبل وإلا رشاشي
يا فيصل لذيذ النوم جافا عيوني=وجنبي تجافا عن نعومة فراشي