على صدر القصيد اسمك نقشته يابعد حالي=مثل ماني على صدري نقشتك قبل ما تدري
سكبتك في عروق القلب بلسم والغلا غالي=يا تاج الراس يا خلٍ(ن)يزين للهوى عمري
ياريح الورد طعم الشهد كلك بالحلا حالي=يا نبض القلب نار الشوق تحرق كنها جمري
حطبها من ضلوعي واللحم والدم بالصالي=يا روح الروح نور العين ياشمسي ويابدري
غرامك بالحشا ماهو بيخطر لك على بالي=ياليلى عشقي المجنون قيسك فاقد الصبري
وصل حد الجنون وكل يومٍ(ن)فيه تعلالي=يبي وصلك و وصلك حال دونه كايد العذري
متى مدري متي ربك يبدل حالك وحالي=نريد وربنا يفعل مراده مجري القدري
ألا يالله يارحمن يا معبود يا والي=تقرب لي غلا عمري يفرج ضيقه بصدري
كفاني ما جرى لي في غيابه بأول وتالي=أون وحالتي حالة وصدري للهوى قبري
أداري عن عيون الناس لوعاتي وغربالي=لكن الشعر يفضح صاحبه ما يعرف الستري
على شأن الغلا غنيت طاروقي وموالي=على كل البحور أنظمه والمسحوب والحدري
أغني له لحون الشعر لاله يا لالا لالي=طواريقي على شأنه تجوب البر والبحري
على صدر القصيد اسمه نقشته يابري حالي=مثل ماني على صدري نقشته قبل ما يدري