البشر ماهم سوا=بالرجال وبالنساء
فرق في لين وقسا=والشواهد شاهده
فرق في شكل وطبوع=فرق في ضحك ودموع
بعضهم قربه يلوع=من قربه يناكده
وبالبشر حالي حلا=نادرٍ(ن)بين الملا
ما يقول إلا هلا=عد يروي وارده
ما تمل مجالسه=عذب حلو موانسه
الله اللي حارسه=يا فديت مشاهده
يجلي الغم ويزيل=هم في قلب الخليل
ما يشابه له بديل=حضن فكرة شارده
يحترق مثل الشموع=تضوي الليل المروع
ما يحسب للجموع=ولا يريد مساعده
البشر ماهم سوا=بالرجال وبالنساء
فرق في لين وقسا=والشواهد شاهده