يا ملكنا يخدعونك بكل شيءٍ(ن)تمام=
وضعنا ماهو بمفرح صديق ولا عـدو=
حالنا كان إستمر هكذا يا بن الكرام=
الضغوط تغير الحال من مشي لعدو=
اهتدينا وإقتدينا على دين السـلام=
مير بعض أهل المناصب بربي ما اقتدو=
القرار اللي تصدره بعيونه كلام=
والبقية يتبعونه بدربه ما حـدو=
كل موظف بالحكومة مسوي له نظام=
وإن سألنا ليش قال: المناسب للبدو=
ما يخاف من العقوبه ولا يخشى حرام=
المواطن في عيونه مثل كبش الفدو=
كل همه بالوظيفه يبا الراتب تمام=
ويتباهى بالمظاهر مراويح وغدو=
النزاهة عاجزة بالكبار ولا تلام=
الفساد منسجينه مثل نسج السدو=
طيرنا وقع بعد فوق بعض الروس حام=
نتفوا ريشه وفضل يردد للشدو=
الله إنه يرحم أيام ولت والختام=
يستر الله من عواصف تجي بعد الهدو=
يا ملكنا يخدعونك بكل شيءٍ(ن)تمام=
وضعنا ماهو بمفرح صديق ولا عدو=