الله من شوقٍ(ن)نفض خافقي نفض=لا من ذكرت صويحبٍ(ن)حيل مجمول
شاشة هجوسي صورته دوم تعرض=من غير مرسالٍ(ن)ولا رنة وكول
كامل مكمل ما تميلح من العرض=أدب وذوق ومنطقٍ(ن)حلو معسول
طول غيابه لين صبري بعد جض=ما طمن الخاطر ولا حاش مرسول
يومين مالي بالغضي يا هلي حظ=جمعة وسبت الولف بالغير مشغول
أون والأشواق بقليبي تعض=يا ويل حالي ويل ما عندي حلـول
النار تحرق بالحشا طول في عرض=في كل ذاتي تشتعل عرض في طول
غديت ناشف بعد ماكنت انا غض=الجسم بالي والفكر صار مشلول
لو كان حكمه حكم قاضي بينقض=لكن حكمه صعب ننقضه بسهول
يا صاحبي يا مشغل الكل والبعض=متى تحن وترسل دواي وتحول
بيني وبين الموت والهم ينفض=والا تراني ضعت لا حول لا حول
لكن وصاتي كل ما قمت للفرض=طالبك تدعي لي ولو يوم بالحول
عل الدعا للي نقصني يعوض=واصير انا واياك واصل و موصول
تحت الثرا والا وحنا على الارض=حبل الوصل ممدود بالفعل والقول
الله من شوقٍ(ن)نفض خافقي نفض=لا من ذكرت صويحبٍ(ن)حيل مجمول