ناح القصيد وهاجسي يزرقه زرق=من رغبةٍ(ن)بالقلب عيت تخبا
كنت اتمنى وجهتي يمة الشرق=والله اراد وسارت الرجل غربا
جهات لكن بينها داخلي فرق=مثل الفوارق بين رغبة وغصبا
مشيتها والقلب محروق بي حرق=من بعد خلٍ(ن)ناد من بعد قربا
يامن سرقت القلب من عاشقٍ(ن)سرق=انته خذيته حب والا بنهبا
كانك خذيته حب يامشابه البرق=لا تجزي العاشق بهجرٍ(ن)فحبا
ترى الهجر ذباح ياشادي الورق=يهلك قلوبٍ(ن)جوفها الشوق شبا
نار الهوى شبت على نابض العرق=ماله علاج ولا يداويه طبا
اما تعال وريح النبض والطرق=والا مماتي حان والله حسبا
ما عاد لي عن سهم الأيام من درق=صب الجروح بنبابض الروح صبا