يا ويل حالي صابني زلزال=جمر القهر حولي مطوقني
لقيت شيءٍ(ن)ما يسر البال=أثر على قلبي وضيقـني
شفت الأسد بيمازح الغزال=لا عدت يا مزحٍ(ن)يحرقني
من حر مابي صابني ولوال=غيران والغيرة بتخنقني
ما ودي تحاكي ولا تنطال=أهون علي الموت يشنقني
همي كبير وحمل ما ينشال=زعلان ما شيءٍ(ن)يروقني
أشكي على ربي عليم الحال=الواحد المعبود خالقني
عالم بفعلي سامع الأقوال=طالبه بأعمالي يوفقني
ماني بشاكي فوق عبدٍ(ن)ضال=يمكن يكذب ما يصدقني
الخاتمة ليلي عليه طال=سهران وهمومي ترافقني
يا ويل حالي صابني زلزال=جمر القهر حولي مطوقني