يا هلا يا مرحبا والفٍ(ن)هلا=يا ملاكٍ مالها عندي بديـل
قربي مني ترى جسمي صلا=مثل جمرٍ(ن)يحرق لدمٍ(ن)وحيل
قالت أبشر ما تريده يسهلا=وأقبلت مابين عدل وبين ميل
جاتني بعلاج زودني بلا=كنت عاقل صرت في حكم الهبيل
حين شفت الزين فيها والحلا=الوجع اللي قبل أمسى قليل
دون ما أشعر صوتي الخافت علا=قلت تكفي عالجي قلبٍ(ن)عليل
يا هناي ويارجاي وياغلا=ارحمي عزيز بيدينك ذليل
قالت اركد لا تسمع للملا=العلاج اللي تريده مستحيل
قلت ماهو صعب ياريم الفلا=قالت:إلا صعب مايبغا دليل
عندك قريب وعندي ممحلا=أبعد من المريخ عن مطلع سهيل
قلت:لأمرك يا غلا لا تزعلا=ياكريمٍ(ن)بالعطا سمي بخيل
موتي ارحم من دوا يتوسلا=من كفوفٍ(ن)مدها ماهو جزيل
وإن عطيتي للدوا واتسهلا=الجمايل مالها غير الجميل
أبشري باللي تبي مهما علا=بأمر ربي لجلبه عندك ذليل