يا سلام الله على بندر الجودي سلام=لو قسمته يكفي اللي سكن شط البحر
كيف حالك يا بن ناصر ورد النا علام=كيف جدة واهل جدة بعد غيث المطر
يا عساكم يا خويي بخير وما يرام=سالمين ولا لحقكم من الماطر ضـرر
قال: ماش خلاف كلش تمام من تمام=غير وعكة جاتني في يسار عن الصدر
قلت:هذي يارفيقي من أسباب الغرام=قال: لا بالله قدر بس راضي بالقدر
قلت:لو تسمع كلامي وتأخذ ياهمام=موترٍ(ن)توه جديد(ن)وعداده صفر
بإذن ربي ما تحس الوجيعة والسقام=والعمر واحد وربك لطيفٍ(ن)بالبشر
يا شريف الشيخ فعله يطابق للكلام=وأنت رجالٍ(ن)سنافي من أيام الصغر
قال:ياجابر زمان الشجاعة والحسام=إنتهى عصره غريبة ولا عندك خبر !!
قلت: لا بالله كلام تقوله بالحرام=ما سمعته يا صحبي ببدو ولا حضر
مير مني فوق بندر سلامٍ(ن)في سلام=لو قسمته يكفي اللي سكن شط البحر