ممنون يا بعد المحبين ممنون=حتى لو إن الحظ مبعدك عني
سو ما بدالك في خفوقي يا مزيون=ولا تعتذر يا جنة العشق مني
أنته تساوي نور عيني من النون=إلا تساوي كل روحي وفنـي
معك العذارى كلهن ما يساوون=يا نبض قلبي يا سبب كل وني
أنا أشهد إني فيك بالحب مجنون=مجنون بك ما غيًر العقل جني
عشر سنين القلب بيديك مرهون=ما فيه غيرك للمحبة رهني
رهنتني بالذوق والطيب وشلون=ما اصير لك قيسي لحبك مغني
حتى قصيدي صار مغرم ومفتون=هواك يحمسنا كما حمس بني
وأنا أشهد إن الشوق لن صار مدفون=تحت الحنايا مثل جمر المجني
يحرق عروق القلب ويعقب طعون=تبقى سنين طوال ما ينبرني
وأنا أشهد إن الحب نعمة وملعون=لا صارت ظروف الغلا مبعدني
العمر كله ينقضي هم وحزون=يمضي ولا غيرك حبيبي غبني
لا صرت ما تقدر تجيني ومغبون=سود الليال اللي حدتكم حدني
بعيش عمري منك بالحب مديون=لن صارت أيام الرخا ما هدني
اللي بقى من عمر من دون في دون=واللي مضى بالذاكرة ممتحني
ليته يعود والحبايب يعودون=نرجع كما كنا على حسب ظني
من شأن أغني لك مواويل ولحون=تضحك لي أيامي بعد عبسني
ماني بحاجة ناس للعشق يفتون=هواي الك مذهبه شيعي وسني
ممنون يا بعد المحبين ممنون=حتى لو إن الحظ مبعدك عني