ياللي تمسيني على الفيس بالخير=مساك ربي بالهنا والسعاده
عسى طعامك من فواكه ومن طير=وريش النعامة تحت راسك وساده
خصصتني بأجمل كلام وتعابير=وإلا كذا طبعك مع الكل عـاده
إن كان هذا منك لي خص ماغير=مساك حطيته لصدري قلاده
وإن كان هذا حق كل الجماهير=سويت مثل الناس مابه زياده
مشكور ما قصرت حلو التباشير=يا مأخذٍ(ن)على الجميع القياده
والمعذرة لن كان بالرد تقصير=المجتهد يوجر بقدر الإجاده
وإن كان جاء تقصير مني معاذير=وأرجو قبول العذر يا سيد ساده
ما مقصدي أقرب دروب المحاذير=ولا عيني بجنبي سواة الجراده
أنا أتخير حسن قول وتدابير=ماني مدورها ديون ورفاده
والله بيدينه جميع المقادير=يعلم بصدق أقوالنا فالشهاده
ياللي تمسيني على الفيس بالخير=مساك ربي بالهنا والسعاده