فاح عطر المشاعر باللحن=وغرد الشوق في لدن الغصون
هزني هاجسٍ(ن)توه لدن=ذكر القلب باللي يسـلمون
يا نعومة حرير ويا قطن=ياشبيه النسايم والمزون
يا عسل خالطينه بالسمن=يا جميل المحيا والظنون
غبت عني ولازمني حزن=أثقل القلب صار الحال دون
الرعد خلف عوج الصدر دن=وانهمر ماطره شعر ولحون
حن قلبي لسيد البيض حن=افتقدته وأنا قلبي حنون
من يقول العذارى يرحمن=وأحمر الموت في بحر العيون
العذارى وربي يفتنن=يوردن المنايا والجنون
كم شيخٍ(ن)من التلعات جن=وكم فارس ضحية للفتون
الهوى ما رحم خبل وفطن=يورد لصاحبه حوض المنون
طحت به مير ما فيني غبن=صاحبي فوق معلوقي يمون
وإن بغا الروح بدفعها ثمن=فدوةٍ(ن)للعيون ولا يهون
يأخذ لمطلبه وأمره حسن=دامني للهوى عنده زبون
بنظم الشعر من شوق وشجن=دام قلبي من البعد مغبون
عل الأيام وسنيني تحن=وإن تمادى غيابه ياشجون
قربي للمنية والكفن=خلي الناس فوقي يحزنون
فاح عطر المشاعر باللحن=وغرد الشوق في لدن الغصون