ياليل ماهي غريبة أسهرك وأعاف للزاد=الحظ يحكم مواصل للعنا ليلي بيومي
قلبي من سنين حاجز مع حلوم الليل ميعاد=ما طاب ليلي ولا شيءٍ(ن)تحقق من حلومي
البارحة حلم ليلي شب فالأضلاع وقاد=نامي بحضن الوفا يا جمرة الأشواق نومـي
ما عاد تفرق معي دام الجفن موعود بسهاد=بسامر أطياف خلي وأتسلى في همومي
العين يا ليل ما تهوى منام ولذة رقاد=غديت أنا والسهر صدقان نحرس للنجـومي
من بعد غاب الوليف الهم داخل خافقي زاد=من ضيق صدري يضيق خاطري لبس الهدومي
ما عاد يرسل جواب ولا يجاوب صوت نشاد=لا والله إلا على ما قيل ضاعت لي علومي
ما حيلتي غير أبدع بالشعر وأصير قصاد=والقلب خلف الحنايا مثل لدن الغصن يومي
أون ون الضعيف اللي يعاني ظلم وضهاد=ما كني اللي قبل هذا الشقا راعي عزومي
لا عاد وقتٍ(ن)هدم حيلي بجور الوقت لا عاد=كسر مجاديف حالي والزمن ما هو رحومي
عقب الهنا والسعد يا دوب ذا الأيام بالكاد=يا دوب لا من بغيت أنهض من المجلاس أقومي
دارت عليً الدواير مثل ما دارت على عاد=أيامنا والليالي رميها مثل السهومي
حكم الزمن يكسر الخاطر و هم الليل مرفاد=أحكامها جايرة وأقسى من الأمر الحكومي
ياليل ماهي غريبة أسهرك وأعاف للزاد=الحظ يحكم مواصل للعنا ليلي بيومي