بسم رب العباد اللي عليه إتكالي=بعد وقت العشا مشيت مع درب شرقي
المسافة بعيدة مار ماني مبالي=فوق موتر مصمم يزرق البعد زرقي
مع طريق الرياض الليل ساري لحالي=هاض بالي وغنى عند مسراي طرقي
ساري الليل واطوي للدروب الطوالي=واسهر العين للي نوضها نوض برقي
حشمةٍ(ن)للعزيز اللي على القلب =راحتي والتعب سيان مافيه فـرقي
ودي أزور منهو منشغل فيه بالي=من سنينٍ(ن)طويله محرق القلب حرقي
شوفته تشرح الخاطر بديع الجمالي=لو أشوفه وأنا مرار بالدرب طرقي
مبطيٍ(ن)عنه ما شفته سنين وليالي=المسافات دونه تسرق الحال سرقي
طيف مضنون عيني ما يفارق خيالي=وأذكره كل ما غنت على الغصن ورقي
المحبة قديمة والغلا حيل عالي=ودها في فؤادي من سنين متعرقي
لأجلها كل شيء يهون حالي ومالي=والمسافات بطويها ولا فيه درقي
بسم رب العباد اللي عليه إتكالي=بعد وقت العشا مشيت مع درب شرقي