ياصوت ياللي ما سمعتك من العام=وينك عسى ما حال دونك موانع
سمعي يريدك والمشاعر والاحلام=وينك عسى ما شر ما عدت سامع
إن قلت لي ترى المغيبة من أيام=بقول لك يمكن من الوصل قانـع
عندي غيابك يوم يعدل له أعوام=حيثي بوصلك يا هوى البال طامع
لا من ذكرتك طار نومي ولا أنام=الليل كله للهواجس مصارع
الشوق للمشتاق يا غايتي سام=يفتح على قلبه جميع المواجع
أما تعال وعالج أوجاع الأوهام=اللي عثت بالروح لا تكون قاطع
وإن كان ما تقدر تعذر ولا تلام=العذر للمحبوب مرضي وشافع
واقضي بقايا العمر للشوق خدام=ما عاد عندي عن غرامك تراجع
تكفيني الذكرى من أيام قدام=مرت عليَه والسحر منك باتع
أيام كان الصدر واسع كما الشام=واليوم صار الصدر ماهو بواسع
البعد والهجران ما خلته خام=أدمت فؤادي ما نفعني دوافع
دافعت بإسم الشعر لين الشعر هام=أبكيت من حالي حنوف وشوافع
دافعت بإسم الوصل في دين الإسلام=وأصدرت حكمك وأنت بالحكم بارع
الله يعوضني بعد جور الأحكام=إلى متى بإسم الغرام انترافع
بكسر مجاديفي وأكسر للأقلام=وأترك خفوقي من فعايلك والع
ياصوت ياللي ما سمعتك من العام=الظاهر إنه حال دونك موانع