يا هجوسي بيني وبينك حسابٍ(ن)عسير=لي ثلاث أيام افاوضك وأنتِ(ي)قافله
أقدح لزند القوافي من الصدر الضرير=لين شبت نار في خافقٍ(ن)ينخاف له
من صلاة العصر لين إنتهى وقت الأخير=أطردك وأنتِ(ي)سواة الجموح الجافله
يا هجوسي غالي القلب كنه في سعير=والمشاعر ياهجوسي بقلبي حافله
خافقي من واقد الشوق يشكي مستطير=والحبيبة عن مطاليب قلبي غافله
كل ما ونيت قالت على ما قلت خير=أكتم لجرح المشاعر حيا ومجامله
حيثها عندي كبيرة عن الباقين غير=مثل فرق الفرض ماهو مثيل النافله
حبها بالقلب من يوم مولدها كبير=نفس عاشقها بلبس المحبة رافله
من قديم الوقت حتى نلاقي للمصير=مالها بديل بالروح فيني كافله
هي غرامي مالها بالعمر شبه ونظير=عالية فوق العذارى ولا هي سافله
طيفيها في جو فكري مثل حوام طير=كل ما عرج على البال قام وطاف له
عينت للطيف في خافقي عنها وزير=كل صبح وكل ليلٍ(ن)يزور بحافله
جائبٍ(ن)في صحبته حلم في رتبة سفير=يمشي بحسب الأوامر ولو ينعاف له
يا هجوسي بيني وبينك حسابٍ(ن)عسير=لي ثلاث أيام افاوضك وأنتِ(ي)قافله