يا حبيبي طلبتك في غرامك ترفق=أنت قطعة من الخفاق والقلب مني
كان طول غيابك يالصدوق المصدق=والله إني أخاف القلب ينهبه جني
قلبي اللي غرامك يا هوى البال طوق=ما بقي لي من الخفاق غير التعني
كيف بحيا بنص القلب ماني مصدق=دام نصه معك والنص الأخر يوني
خلف عوج الضلوع اللي بشوقي تحرق=كل ما بان صبح وكل ما ليل جني
قلبي اللي ملكته في غرامك تعلق=ما سكن فيه غيرك بعد حبك سكني
أتوجد ليا من غبت وبريقي أشرق=يا بعد كل غالي حسب حسي وظني
الجزع في شعوري لو بحسك تدقق=كنت خايف من الأيام تبعدك عني
وإن تقربت مني كل ما في صفق=كنك العاهل اللي للمنابر يبني
رايق الدم بعروق العلايق تدفق=فرحتي في قدومك فوق حلم التمني
كل مافي لا شفتك وربي يروق=والمشاعر تجدد من حضورٍ(ن)فتني
يا بديع المحاسن يالغرام الموثق=في دساتير قلبٍ(ن)من هواك متهني
غارقٍ(ن)في غرامك صح وإلا ممزق=تحت حكم الغرام اللي وهبه التبني
يا حبيبي طلبتك في غرامك ترفق=أنت قطعة من الخفاق والقلب مني