تدرين كم مرة ادورك باليوم=اقلها مئـة وتسعين مره
فقـط اريح بس في فترة النوم=عشان اشوفك حلم فيه المسره
وليا صحيت ادورك عند ما قوم=افتح لتطبيق الرسايل وافره
ودي اشوف لشيء مرسول وعلوم=من يمكِ(ي) يا مالكة للمبره
افرح بشيء منك لو عاده حلوم=مافيه فــرقٍ(ن) بين نفع ومضره
اللي يهم الستر والصحة ادوم=عليك ياللي في فؤادي مقره
وأما أنا مهزوم مهزوم مهزوم=ما عدت أساوي لو مثقال ذره
دامي فدقتك صرت بنيان مهدوم=وأنتِ(ي)بتبقي بالمعاليق دره
مهما تغيبي ما يبي يلحقك لوم=وأنا بدور كرةٍ(ن)عقب كره
تدرين كم مرة ادورك باليوم=اقلها مئـة وتسعين مره