تقول:أنته علامك لازم الصمت=علامك لا سؤال ولا جوابي
تعاتبني يوم إني ما تكلمت=ما تدري وش حصل لي ويش مابي
عتابك يا غلا منه تألمت=بغيت أرمي من الضيقة ثياب
ياليتك يا بعد عمري تعلمت=عن أخباري قبل لوم وعتابي
لكن إسع لعذري بعد ما لمت=يا علي فدوتك اقرأ كتابي
حداني ظرف قاسي ما تحكمت=بحالي حين طولت الغيابي
وفضلت السكوت ولا تندمت=لأجل ما أزعجك وأتعبك بعذابي
قرابة شهر أنا مسدوح ما قمت=بمشفى والألم ما بعد طابي
أخذت أيام ثم ليال ما نمت=أداري عن محبيني مصابي
وذا الحينه بعد ما طبت سلمت=عليك وقلت لك يا أغلا مهابي
تحملت الأسى وحدي وحكمت=لعقلي فيك والحكمة صوابي
على شأن الغلا للصمت قدمت=على كل الحكي ودى وجابي
وحان البوح كان إنك تفهمت=معاذيري شفيعة يا حبابي
أنا حكيت وأنته لازم الصمت=علامك لا سؤال ولا جوابي