ياللي ما عندك مخبر وخبرية=حكامنا بيبانهم مفتوحة
ما تمنعك شرطة ولا دورية=كل الدروب السالكة مسموحة
وترى الحرس والشرطة السرية=مخصوصة ٍ(ن)للعالم المفضوحة
اللي تدور شوشرة مشرية=مطروحة ٍ(ن)بيدينهم مطروحة
ما عاد والله تنجب الذرية=مرضى عقول بغلها مذبوحة
اللي يبون الفسق للحرية=بهايم ٍ(ن)بكبدها منطوحة
ورا البحر وإلا على البرية=ماهي بتخفى كذبة ٍ(ن)مملوحة
ما عاد تستر لبسة ٍ(ن)عارية=لأجساد من غل وقهر مجروحة
بانت على ما قالوا السدرية=وخابت يدين ٍ(ن)بالردا ممدوحة
ياللي ما عندك مخبر وخبرية=حكامنا بيبانهم مفتوحة