جئيت أقدم لمحبوبي إعتذاري=جئيت أبين مفاهيم وحقـــائق
الشعر يزرع ورود بالصحاري=ويحرق الأغصان لو هي بالحــــدائق
الشعر يشعل شموع(ن)بالغداري=يطفي النيران ويولع حـــــرائق
الشعر يرفع ويخفض بلا سواري=يصدق الأحلام ويكذب وثـــائق
الشعر يجعل من الذل إنتحاري=يقزم الأبطال يجعلهم عـــــلائق
وحده صحيح والباقي هذاري=لو قفلت أبواب يفتح له طــــرائق
ومن تفنن بالشعر أكيد داري=كيف يخلق ماش ويسوي عـــوائق
الشعر للشاعر أكبر إختباري=فيه شك وفيه كذب وفيه صـــادق
الشعر يجعل من الكلمات عاري=لين منها يضيق صدر كان رائــق
الشعر يجعل من المستور عاري=يرفع أقوام(ن)ويوطي له خـــلائق
وكان ما تقدر على الشعر إصطباري=لا تجاري شاعر(ن)بتكون ضائق
وكان ما تقدر تجامله وتجاري=أتركه وأترك طريقــــه دام فائق
لا تحك الجلد وتعقب مواري=كثر حك الجلد يدمي لو رقـــــائق
تنور الشمعة ليا لقيت مداري=وتنطفي لو هبها من الريح ســــارق
ولا تقارن بين بيع وبين شاري=أنت خلك فوق غيث وفيه بـــــارق
منت لاقي بالبشر مخلوق غاري=وافي(ن)بالوعد ما يرضى بوائـــــق
وبالنهاية جئيت بطوعي وإختياري=بنحر أعذاري وأخليها وأفــــــارق
جئيت بهدم على شأنك جداري=بأخذ همومي وأعليها وســــــائق
وبنتظر منك الجواب إن كنت ناري=دامني بالحب يا مظنون عـــــــالق