يا جر قلبي جر لدن الغصوني=اغصون سدر جرها السيل جرا
واهله من اول بالورق يورقوني=على غدير تحته الما يقرا
على الذي مشيه تخط بهوني=والعصر من بين الفريقين مرا
لا والله الا بالهوى هوجروني=هجر به الحيلات عيت تسرا
لا مبعدن عنهم ولا قربوني=ولا عايف منهم ولاني مورا
واكثر عذاب القلب يوم سنحوني=بيح بصبري لو بغيت اتورى
لا ضاق صدري قمت اباري الظعوني=مع الخفا وعن الحسود اتذرى
وقلبي عليه شفوق وتبكي عيوني=والحال من ود الحبيب يبرا
يا عزتالي من تفوق وشطوني=يعزالي ارمي بالسلب واتعرا
إن مت في دافي حشاه ادفنوني=في مستكن الروح ما هو ببرا
يضفي علي بخينقه والقروني=ومبيسم عن الهبائب مذرى
وخد كما البراق باعلى المزوني=تقول براق من الصيف سرى
وقفت لاجله شايهات عيوني=كني غرير باللهاوي مغرا
ياليتهم بالحب ما ولعوني=كان ابعدوا عني بخير وشرا
والا انهم يو انهم ولعوني=خلوني اقضي عازتي واتجرا
ويا ليتهم بالدرب ما واجهوني=ويا ليتهم ما زادوا القلب حرا
ويا ليتهم عن حاجتي سايلوني=يوم اني اقعد عندهم واتحرا
ويا ليتهم من زادهم اطعموني=وانا على زاد اليتيم اتجرا