الاوله يالله ياقاضي الشان=
ياغافر الزلات عنا بالاحسان=
وتردنا للي له القلب نشطان=
الي ولو طال المدى مانسيناه=
وان هبت الازيم بديت الرقايب=
ودموع عيني فوق خدي سكايب=
بادي واساري مذريات الهبايب=
واقول اربك يالهبايب موصاه=
صابر عن اخواني وابويه وجدي=
في ديرة الاجناب مالي تمدي=
وعيني يالي في سنعهم تلدي=
وعيني يالي في سنعهم معناه=
ايا خوالي يا خوال اللزومي=
ضفو على ربعي وسوو علومي=
راحت بي الهجره كما الغصن يومي=
لا هو خبر جانا ولا خط نقراه=
تلقا خوالي عندهم مد فنجال=
في دلة مبهورة تشعل اشعال=
فيها دوا لأهل الكسل والتمكسال=
لا بنها محرق ولاهي مناياه=
من عقبها يذبحون الذبيحه=
ويقابلونك بالوجيه السميحه=
والرز ينقل في الصحون المليحه=
تنسى هموم القلب لوهي مكالاه=