حكم علي العقل واوثق قيادي=يحسب عليه كل خطوة بمقياس
بنى من الأحلام سجن انفرادي=واقام لي سجان ما يعرف الياس
أتعبت نفسي بالكبر والعنادي=لين اصبحت مثل الجمر بعد الاقباس
واحترت ما بين الصبا والرشادي=مثل الصويب الّي ينازع للانفاس
لأجل الهوى كرهت شربي وزادي=كني سواة البن يقلى بمحماس
وأخاف لاسري يفجرفؤادي=ويشيع مكنون الضمائر مع الناس
وأغدي حديث الخلق رائح وغادي=مثل اللبان الّي غدابين الأضراس
فيما مضى ما كان سهل قيادي=طول السنين الماضيه رافع الراس
ولااحد(ن) كتب اسمي بصفحة سوادي=ولا اخذت لي من سفلة القوم جلاّس
أنا عتيبي(ن) بوسق الشدادي=ليا تنادوا باللقا فوق الافراس
هذا انا من قادحين الزنادي=من مشعلين النار في روس الاطعاس
هذا انا يا ناقشات الأيادي=يلي لكم في خافق القلب هوجاس
هذا انا يا بارزات النهادي=يا مشغلات قلوبنا عذب الاوناس
هذا انا يالابسات القلادي=ماني بلا خبل ولاني بحلاّس
همست همس الود ماني منادي=خائف يعرف بقصة الود بلاّس
خوفي من الشمّات قلل رقادي=أسهر طوال الليل والخلق نعّاس
مدري غصب والالهاالوقت جادي=ياعزمني طيب العرق والسا س
يلي مثل ذوب النحل بالزبادي=وأطيب من الريحان لن هب نسناس
قصة هوانا فل ورد وكادي=زرعتها بالقلب باعز مغراس
وإن كان قام الحض زان الحصادي=واخضرت الاغصان من بعدالايباس
أرسلت مرسالي ولن كان عادي=جاني بجواب الّي لها القلب حساس
ولابد من علم يجينا وكادي=اما علن والا رسالة بقرطاس
وإن كان ما جاني خبر واعتمادي=ارسلت للبلدان مليون عساس
ماني بتارك بالبسيطة بلادي=إلاتنشدت أهلها وكل الأجناس
لعل منهم من يحقق مرادي=ويدلني على الذهب جوهر الماس
ولالي ملاذ الا الصبر لو زاد=ولابد بعد العقد تنحل الامراس

المشاركة الأصلية كتبت بواسطة binhlailبن هليــل (المشاركة 20189) هـذا انـا يـا ناقشـات الأيــادي يلي لكم في خافق القلـب هوجـاس هـذا انـا يـا بــارزات النـهـاد يا مشغلات قلوبنا عـذب الاونـاس هـذا انــا يالابـسـات الـقـلاد ماني بـلا خبـل ولانـي بحـلاّس صح لسانك ونعم مليون ولا يكفون لك كل التقدير

المشاركة الأصلية كتبت بواسطة كامل الأوصاف (المشاركة 20195) ولااحد(ن) كتب اسمي بصفحة سواد ولا اخذت لي من سفلة القوم جلاّس دائما إن شاء الله عالي الشأن صح لسانك لك تقديري