محتار أنـا في شجرة الجود محتار = مـدري وش اللي من ضميري تريـده
عـنـيـت أنـا روحي وعنيت الافكار = أسـهرت عيني فالـديـار البعيده
لجـل اتهنا وأهتني بطيب الازهـار = لكن أشـوف الغير حـصـل رصـيـده
مـدري متى تغمر فـوادي بـالاثمار = من شـان تكـسيه الليال السعيده
يكـفي ليال الحـزن يانون الانظار = يكـفي ترى جور الظـروف العنيده
العمـر زادت طينته زود الاسـعـار = جـارت على قلبـي وسـدت وريــده
نسري الليالي وبحرنا بحر الاحبار = نكتب مـن الامـواج أعـذب قصـيده
ننثر ورود العلم فـي كل الاقـطار = نقطـف زهـوره نحـصـده ما نبيده
يـاشـجـرة(ن) من حولنا تحوم الاخطار = حـنا نبي منك الـزهـور المفيده
حـنـا جـذورك والجذر عكس الاعصار = يـثـبـتـك وأنتـي ثمارك فـريده
اللي يبون الجـود يـالشجره كثار = كلاً يـبـي قـطـف الثمار وحصـيده
بـالله عليكِ أعـطـفـي طـفـي النار = اللي عـلـى قلبي وروحي شـديـده
بـالله حـنـي خـلـي الجـاره تـغار = تغـار مـن شـرعـك شـرع العقيده
باكر صـدى جـودك تناقله الاخـبار = تسمع به الجاره وتقراء الجريده
وتـقـول ياليت الـذي صـار ماصار = ولا سـمـعـنـا بالخـبـر ياسعيده

المشاركة الأصلية كتبت بواسطة صقـر عتيبـة (المشاركة 26136) محتار أنا في شجرة الجود محتار مدري وش اللي من ضميري تريده عنيت أنا روحي وعنيت الافكار أسهرت عيني فالديار البعيده صح السانك قصيدة في قمة الجمال لــــــك تحياااااااااااااااتي صقر عتيبة

المشاركة الأصلية كتبت بواسطة binhlailبن هليــل (المشاركة 26149) صح لسانك يا الذيب لك تقديري

المشاركة الأصلية كتبت بواسطة نجم العرب (المشاركة 26183) صح لسانك ما قصرت أتعبت هالشجرة لك تقديري

المشاركة الأصلية كتبت بواسطة قائدالقوافل (المشاركة 26184) قصيده جميله