أجمل هدايا العمر يا زين شوفتك=يرقص لها قلبي وتعْْذب لحوني
أحلى الكلام اللي تحليه شفتك=اليا سمعته يختلف كل لوني
أنفس عطور الكون ريحك وهفتك=فيها تذوب أحلام عمري وشجوني
وأول عذابي وأخره بس عفتك=هي سحرك اللي فيه جنت جنوني
أموت في رقتك وأحيا بخفتك=وأخر غرامي فيك إنك حنوني
أنسى عذابي يوم أناظر للهفتك=أعيش في ذاتك وأبدد ظنوني
روحي تراها بالليالي وليفتك=وأنته غديت بكل الأحوال كوني
وأحلام شوقي كلهنه حليفتك=دامك على بعضي وكلي تموني
إن كانها كفتك يا زين كفتك=وإن كان ما كفتك دونك عيوني
دون العذارى راجحه بي كفتك=لأجل كذا عشقي من أجلك يهوني

المشاركة الأصلية كتبت بواسطة عذبة الالحان (المشاركة 26925) يشرفني اني اكون اول من يرد صح لسانك بن هليل بصراحه شعرك رقيق وكله احساس وكلماتها واضحه وسهله للي مثلي مايفهمون الشعر يسلم هاليدين من كل شر روعه مثل الي كتبها تقبل مروري