بكرة مسافـر ودي أشوف خلي=اللي تمكن من حشاي وفؤادي
له منزلة بين الضلـوع ومطــلي=على هواجيسي وعارف مرادي
خيالها ساكن معي مثـل ظلي=وأحـلام عمري كـلها بازديادي
من يوم غاب وراح عقلي مولي=أشعاري البيضاء غشـاها سوادي
عفت السوالف قلت قـال وقلي=وعفت الطعـام وكل شرب وزادي
عفت القصائد والأدب والتسلي=أصبحت في وادي وهـنه بـوادي
ويمكن ليـا شفتـه وعلّي لعـلّي=يرجع من التفكير ماهو بغادي
يا روح عمري يابعد كل مـن لي=أقبـل ترانـي باسـط(ن)للأيـــادي
جئتك وبي شوق بعضي وكلي=لكن تعرفني صعيب انقيـادي
لا تزود جروحي تعمــد لـذلي=خـل التغلي والكبر و العنادي
إن كان قلبي مالقي من يهلي=قلت البسوا عليه لبس الحدادي

المشاركة الأصلية كتبت بواسطة دليل القوافــل (المشاركة 29249) ويمكن ليا شفته وعلّـي لعلّـي يرجع من التفكير ماهو بغـادي صح لسانك وإن شاء الله عقلك ما يضيع تقبل مروري