ليا نظرت بوجنتك في جبينك=ما عاد بسمع صوت منهو ينادي
أنسى وجودي بس أناديك وينك=يلي ملكت الروح إطلق قياديي
أي والله أنا واقع في كمينك=حب وغرام وعشق كامن وبادي
القلب مسجون بغرامك رهينك=والفكر تايه في حلومه وغادي
ماني بعارف كيف أوصف لزينك=اللي جعلني نار مدري رمادي
ليا شفت دمعة سيحت كحل عينك=ما كنها الا خنجر(ن)في فؤادي
مدري حزن والا بلاها حنينك=اللي رسم كحلك بخدك سوادي
ويا ليتني أصبع خلق في يمينك=تمسح بي الخدين والا النهادي
ولو كنت أنا حولك وربي يعينك=بمسح دموعك يالغضي بالأيادي
خائف على خدك يجرح يدينك=والا خدودك يفتنن العبادي
حتى ولو ديني مخالف لدينك=والا تبادلني بودي عنادي
محب أشوف الحزن مرسوم فينك=حزن(ن)على وجنتك مهو بعادي
ليت القدر ما حال بيني وبينك=ولا كل واحد صار منا بلادي

المشاركة الأصلية كتبت بواسطة عذبة الالحان (المشاركة 29903) صح لسانك ياشاعر الغزل ابيات وشطور اروع من الرائعه تملؤها احساس عشق هنيئا لك بذالك الاحساس ياشاعرنا

المشاركة الأصلية كتبت بواسطة المستشــار (المشاركة 29930) ليا شفت دمعة سيحت كحل عينك ما كنها الا خنجر(ن)في فـؤادي مدري حزن والا بلاهـا حنينـك اللي رسم كحلك بخدك سـوادي ويا ليتني أصبع خلق في يمينك تمسح بي الخدين والا النهـادي / \ / \ / الله الله عليك ما اروع هالقصيدة لك تقديري

المشاركة الأصلية كتبت بواسطة القنـــــاص (المشاركة 29978) الله الله بصراحة رااااائعة لك تقديري