ياعبيد لو تدري عن الّلي بخاطري=ما كان ترقد في لياليك وتنوم
البارحه ليلي مع البض ساهري=وأنته من اللذات يا عبيد محروم
احترت في عيون المها والنواظري= الّلي لها سهم من الود مسموم
نفذ بقلبي لين ضاقت بصايري=يازين طعن السهم من رمش فطوم
ولاني بشاكي منه لو كان جايري=هو حاكم وأنا من الشوق محكوم
أمضيت كل الليل كاتم مشاعري=كل ما تكلم قلت صادق ومحشوم
وكان اللقاء في بادي الليل فاتري=والشوق في عيون المحبين مرسوم
ومن بعد ما شدت جميع الستايري=صرنا بجو(ن)مختلف مابه غيوم
وتهنا وتاهت لابسات الحرايري=في سكرت الأشواق كاتم ومكتوم
ما كني الا بالسموات طايري=في علم(ن)ماهو بعالمك بحوم
ولاني بشارح باقيات الكبايري=العلم رمز وباقي الشي مفهوم
والله على كل المخاليق ساتري=لكن بالدنيا ذليلين وقروم

المشاركة الأصلية كتبت بواسطة عساف الأصائل (المشاركة 30216) ما كنـي الا بالسمـوات طايـري في علم(ن)ماهو بعالمـك بحـوم الله عليك صورة تعبيرية رائعة صح لسانك وعلا شانك رائعة لك تقديري

المشاركة الأصلية كتبت بواسطة عساف الأصائل (المشاركة 30216) ما كنـي الا بالسمـوات طايـري في علم(ن)ماهو بعالمـك بحـوم الله عليك صورة تعبيرية رائعة صح لسانك وعلا شانك رائعة لك تقديري