فات الزمان اللي من أول تمنا=تعيش لي سيد وحارس وخادم
يوم كنت مثل الخيزرانه تثنا=وأنا بكفك مثل ما قيل خاتم
ذا الحين جاي تقول:حالي معنا=وش غير الأحوال لتكون نادم
وش غير أحوالك عسى الله يمنا=بعد الغزل والحب صرنا نتخاصم
ما عاد أشوفك لاجل عيني تحنا=وإن جيت من غيبة تكاثرت سالم
أحرمتني عطر(ن)منول يبنا=حلت بداله رايحات المراهم
وأنا تراني فيك ما بتشنا=لجل الغلا دافن بقلبي وكاتم
أدور مثل السانيه ما تونا=أبيك ترضى لو ما كنت فاهم
لكن أشوفك صرت مشغول عنا=والله باللي داخل القلب عالم
مدري جفا والا تمللت منا=ولى الربيع ومقبلات السمايم
اليا تساوى فرحنا مع زعلنا=ماني بداري كيف بعد نتراحم
بعد جميل أيامنا قد دفنا=الله يعلم ويش بالوقت قادم
من يوم صرت أنا غريب بوطنا=ماني براجي من بعدها غنايم
ما عاد تفرق لو بعدها رحلنا=أموت مظلوم(ن)ولا أعيش ظالم
المختصر عساك دائم تهنا=وأنا بعيش اللي بقا عنك صايم
بس إفتكر أيامنا كيف كنا=يوم كنت أنا وإيك مثل التوايم
طوتكم الأيام مدري طونا=قالوه بالأمثال ما شيء دايم

المشاركة الأصلية كتبت بواسطة ۞النجـــــم۞ (المشاركة 30574) فات الزمان اللي من أول تمنـا تعيش لي سيد وحارس وخـادم يوم كنت مثل الخيزرانـه تثنـا وأنا بكفك مثل مـا قيـل خاتـم ذا الحين جاي تقول:حالي معنـا وش غير الأحوال لتكون نـادم وش غير أحوالك عسى الله يمنا بعد الغزل والحب صرنا نتخاصم رائعة كالعادة تقبل مروري لك تقديري

المشاركة الأصلية كتبت بواسطة المستشــار (المشاركة 30583) صح لسانك وع شأنك قصيدة من الطراز الأول لك تقديري

المشاركة الأصلية كتبت بواسطة الــذيــب (المشاركة 30585) صح الله لسااااانك وبيض الله وجهك مبدع وانشفت الاقلام من إبداعاتك لك أرق التحايا و أعذبها

المشاركة الأصلية كتبت بواسطة كامل الأوصاف (المشاركة 30590) صح لسانك وعلا شأنك قصيدة رائعة مبنى ومعنى لك تحياتي