طولت عني غيبتك يريش العين=وأنا تراني ريشة في مهبك
وأنتي على ما قيل بالحال تدرين=مقدر أعيش الا بذاتك وقربك
متى عليه بالليالي تردين=تبقين لو ساعة زمن مع محبك
تشفين قلب(ن)لوعه نازح البين=أشقاه بعدك والرجا بعض طبك
عندك دواه إن كان والله تودين=والا ترى يا كبر يا بنت ذنبك
حرام من بعد المودة تصدين=عن قلبي اللي بالهوى ما لعب بك
ترى القطيعة دربها وادر(ن)شين=واللي خلص لك بالغلا ما يكبك
هذا عتابي كان بالأذن توحين=ردي جوابك كان يفهمه لبك
هاتي لي المعذار ذالحين ذالحين=ويش الذي ما بيننا سد دربك
ترى العتاب إدوا قلوب المحبين=و الله حسبي بالفعايل وحسبك
وإن كان ما رديت معذار يازين=ترى الجفا بعد الوفا بعد ضربك

المشاركة الأصلية كتبت بواسطة الـشـامـخ (المشاركة 39269) صح الله لساااااااااااااااانك رائعه من روائعك العطره التي تعطربها سماء القلوب تقبل تحيااتي العطره

المشاركة الأصلية كتبت بواسطة المستشــار (المشاركة 39291) متـى عليـه بالليالـي ترديـن تبقين لو ساعة زمن مع محبـك تشفين قلب(ن)لوعه نازح البيـن أشقاه بعدك والرجا بعض طبـك عندك دواه إن كان والله توديـن والا ترى يا كبر يا بنـت ذنبـك حرام من بعد المـودة تصديـن عن قلبي اللي بالهوى ما لعب بك الله الله روعة الله يعطيك الف عافية

المشاركة الأصلية كتبت بواسطة المحترف العجيب (المشاركة 39308) مشششششششششششكور تقبلوا مروري

المشاركة الأصلية كتبت بواسطة ۞النجـــــم۞ (المشاركة 39338) صح لسانك ابداع كالعادة لك تقديري