البارحة نومي عليه تنغص=النوم طار وحل بعيوني عماس
طاري طارا لي بالمشاعر تربص=من بعدها والفكر بلحيل منحاس
مهما تحرص ما يفيد التحرص=ما حل بي يجري بدمي والأنفاس
حاولت دفعه قلت عله يخلص=وأخر جهودي جالي صداع بالراس
قام يتشعب لو بغيت يتقلص=وأنا اتبعه واضرب على خماس بسداس
ما كنه الا للمشاعر تقنص=ولا كني الا صابني مس وسواس
تدرون عاد السالفة والملخص=سبة عذابي من عشقته من الناس
غرو(ن)بكل عروق جسمي ترقص=وهبته اللي أملكه شعر وإحساس
تخصني بالود وأخصها خص=بالعمر كله دون تحديد وقياس
أبرك ليال العمر لا قال:لي وص=وليا شكيت له الهوى قال:لا باس
عروسة أحلامي بفكري تنصص=هي جوهرة دنياي وأغلى من الماس
طعم الحياة بدونها غص من غص=مطيق لا ذاتي ولا طيق جلاس
حوط عليه بحرها مثل قبرص=تصفق بها الأمواج مع كل نسناس
صرت بغرامه مثل طير(ن)مقفص=مدري سواة حروب سالم وجساس
من زود حبي مصني حبها مص=حتى غديت أضعف من غصون يباس
والمعذره لن كان معجبكم النص=قاف(ن)بديته بص ونهايته اس

المشاركة الأصلية كتبت بواسطة صادوهـ بن فديتك (المشاركة 39773) تلقاها وتسعد بها إنشاء الله

المشاركة الأصلية كتبت بواسطة جريح الامس (المشاركة 39774) رووووووووووووووووووعة عن جد والله رووووعة طرح موفق يا الغااااااااااالي تقبل مروري المتوااااضع جريح الامس

المشاركة الأصلية كتبت بواسطة عذبة الالحان (المشاركة 39787) صح لسانك لاجديد دائما الحس الشعري يبهر قرائك دومت ودامت احساسك

المشاركة الأصلية كتبت بواسطة ابن عميش (المشاركة 39795) قاف (ن) بديته بص : بصمه رائعه ونهايته اس :اسلم الله لسانك ابن هليل قصيده رائعه وجميله كما عهدناك تسلم ولك التحيه والاحترام