على شأن أبو فيصل طويت المسافات=تركت العيال وتارك(ن)للرفاقه
أبو فيصل ءله مع الجود هبات=طبيعه قديمه ما عشقها عشاقه
سمعته يقول اليوم ذي خمس مرات=نرحب ولكن فيك جاي إنطراقه
عسى جيتي ءله تنسيه ما فات=ويكتب على النوته حسين العلاقه
وأنا بيني وبينه علوم(ن)قديمات=جمع بيننا طيب النبا والصداقه
عرفته كريم سبال حمال أسيات=عريب النسب قدام تصدر بطاقه
ولن قلت له إفزع فهو راع فزعات=ولا قدم المعذار ما شي طاقه
يدلك على بيته وهو بين الأبيات=جماجم كباش محلقات(ن)حلاقه
نصيته نبي نقضي من الوقت ساعات=وبسمع سواليف بهدوء ورواقه
بعيد(ن)عن اللجه وصوت الوراعات=وعلم(ن)مع اللجه مرير(ن)مذاقه
على صبة الفنجال نحكي حكايات=وبقطف لذيذ الزاد وأترك حراقه
وبعطيه من بالي سواليف وأبيات=وأبي ردها وأعرفه صاحب لباقه
محدد لها الطاروق والوزن بالذات=ترى ما يزين الا ليا جا بفاقه
بعدها بقل له ياكثير التحيات=متى ردكم والعلم واضح نطاقه

المشاركة الأصلية كتبت بواسطة نجم العرب (المشاركة 41046) صح لسانك وعلا شانك بيض الله وجهك ويستاهل من قيلت فيه لك التحية

المشاركة الأصلية كتبت بواسطة عساف الأصائل (المشاركة 41047) الله الله كعادتك رائع لك تحيتي

المشاركة الأصلية كتبت بواسطة ابن عميش (المشاركة 41063) استاذنا الغالي ابن هليل صح لسانك وبيض الله وجهك قصيده رائعه من شاعر مبدع وفي شخص يستاهــــل لك تحيتي