خليني أسهر لا تقولين لي نام=ياكيف انام وطيفك(ي)ماثل(ن)لي
لو نمت تزعجني كوابيس وأحلام=شيء يفرحني وشيء يعلي
تسري بي الأفكار للشرق والشام=اتل قلب الود مدري يتلي
خليني أسهر وأتبع اوهام بوهام=وأزرع من الأحلام ورد(ن)وفلي
بسوق باق العمر والدرب قدام=بصارع الأيام وأخذ وأخلي
بمني الأشواق لو كنت منضام=وأعيش يومي بالصبر والتسلي
بغرق الأوراق من نزف الأقلام=وأنظم قصيدي فيك وأكتب وأملي
بشكي جروحي فوق روحي ولا لام=وأبكي بعض عمري لبعضي وكلي
بصفق بكفي كف وإصباع ببهام=على الذي من بعدك(ي)قد حصلي
هذي سنه مرت ويا سرع الأيام=ما شفت زولك يا بعد كل من لي
وأخاف لا ياتي بعد عامنا عام=والا يجي لك يوم مني تملي
يا من هواها داخلي بأوله خام=ليتك على الأعماق لحظه تطلي
أظن صار بداخلي جرح وأورام=لو شفتها وكاد بتولول لي
لكن وش باليد يا عذب الأنسام=دام الهوا فوق الضلوع متولي

المشاركة الأصلية كتبت بواسطة الـسـيـف (المشاركة 46929) صــح لــسآنك يالغــالي . . قصيده قمه ورائعه من روائع قصائدك . . تقبل مروري

المشاركة الأصلية كتبت بواسطة سكون الليل (المشاركة 46930) قــــــــــصــــــــــيده تجنن روووووووووووووووووووووعه تسلم الاحساس والمشاعري هدا انت بن هليل قصيدك كلــــــــــــــــها في قمه الجمــــــــــــــاااال والرقه تسلم الايادي منتظريين المزيد

عطرتي القصيدة بمرورك

وزينتيها بردك

سعدت بهذا الرد العذب الراقي

كلك

ذوق

لك

تحيتي

تابعينا تجدين كل جديد

المشاركة الأصلية كتبت بواسطة نجم العرب (المشاركة 46941) صح لسانك وعلا شانك رائعة من روائعك المتجددة دائما الله يعطيك العافية لك التحية

المشاركة الأصلية كتبت بواسطة دليل القوافــل (المشاركة 46944) الله الله ابداع متجدد صح لسانك لك تحيتي