*ياللي تنشد عن علوم الـذي طـاف = كل البحـور وكـل دولـه وديـره*
*خذ من علومي علم اوصافه اوصاف = جزل سميـن يشتعـل لـه سعيـده*
*الزين عقـب المغربيـات ينعـاف = غيد لهن بالزيـن ذكـره و سيـره*
*فيهن حلا طاغي وليـن و تعطـاف = وفيهن حنان يشعـل القلـب غيـره*
*حلوات وصف وفاهمات بالاعراف = زيننات منطق صافيـات السريـره*
*بنات قوم طيبهم غصـب ينشـاف = اولاد مغـرب بالليـال العسـيـره*
*ياللي تنشد عن علومي بالانصـاف = هرجي يكفي صامله عـن كثيـره*
*الزين في لميا وتغريـد و الطـاف = ماهوب في حصه وكشره ومنيـره*

*قال الذي في بدع الامثال صـراف = جزل يفـرق بيـن درهـم وليـره*
*ياللي مدحت المغربيـات بجحـاف = الله يجيرك مـن عمـاه البصيـره*
*لو تعجبك لميا وتغريـد والطـاف = مايصلحن لهـل الوجيـه السفيـره*
*مفصخات ولبسهـم حـول الارداف = وبليس اغواهـم بكشـف الستيـره*
*متعـودات كلهـم زيـف وخفـاف = على التغنـج والتعطـف وغيـره*
*كل يوم مع صاحب ولا فيهم اعفاف = خويهـم اللـي فلـوسـه كثـيـره*
*ترى البضايع عده اشكال واصناف = وكل ينـوخ وسـط سوقـه بعيـره*
*عز الله ان الطيب في بنت الاشراف = اللي على الحشمه تربـت صغيـره*
*ولا تبيـن منهـا كـود الاطـراف = مثل القماشه في البحـور الغزيـره*
*ياللي تدور بالجواهـر والاصـداف = الزين كلـه فـي بنـات الجزيـره*

المشاركة الأصلية كتبت بواسطة الـسـيـف (المشاركة 49517) صح لســآنك قايلها . . أشكرك أخوي الذيب على النقل والأختيار المناسب لك ودي

المشاركة الأصلية كتبت بواسطة marmar (المشاركة 49575) الله يعطيك العافية كفو لا هنت تقبل مروري

المشاركة الأصلية كتبت بواسطة ملك القوافــل (المشاركة 49657) صح لسانك ومشكووور على القصيده

المشاركة الأصلية كتبت بواسطة المبدع (المشاركة 49661) مشكور على القصيده وصح لسانك ويعطيك الف عافيه لك مني خالص التحايا