أنته بدار منشف الجيب تنشيف=وش جبت منها غار شوك النقيعة
إن كان منك خوة اقبل الصيف=نبا نصيف بالديار الشبيعة
ولم معاميلك وزهب لنا الكيف=واحجز لنا بالطائرات السريعة
وأما غزانا الشام وإلا بني سويف=لا تحط من دون اللوازم ذريعة
نبا البكار الشعل اللي معاطيف=اشرب صبوح وكب عنك الشريعة
الشحم فوق ظهورهنه مراديف=وإن طبت الميدان مهي جزيعه
سج البكار وعسف الصعب تعسيف=خل الصعائب في يمينك مطيعه
يا صاحبي خابرك نقال للسيف=وتحب عسف المهرة اللي طليعة
خلك مثل ما كنت والعلم تصريف=لا تعتذر يا كود تشكي وجيعة
ماني بخابركم تحب التناتيف=من هو تقنع بالقليل قطيعة
أخذ سواليف(ن)وهات السواليف=نبا علوم الفكر دائم رفيعه
لاتعتذر ترى الرجولة مواقيف=الرجل يعرف بالليالي المريعه
خلك مثل ما كنت راعي تصاريف=راعي علوم طيبات بديعه
وإلا حداك الوقت يا حيف يا حيف=حطيت راسك جنب رأس المذيعة
اليوم أشوفك مرخي الرأس وتهيف=ماني بخابرها من أول طبيعه
ولى زمانك يا كثير المعاريف=وين العلوم الأولات السنيعه
كنك على مافات مكثر تحاسيف=ضاقت بك الدنيا وكانت وسعه
جاك الجواب وهات ردك على الكيف=قل لي تمام العلم والا قليعه

صح بدنك ولا هنت

أعرفه ما يعجز بالرد

لكن يبشر برد الصاع صاعين

لا يهمك

لك

التحية

صح بدنك ولا هنت

سعدت بردك الوافي

لك

التحية

البيت الاول نحفظه وسط الارشيف = كل(ن) على دربه يبا يسد ريعه
يامرحبا ياصقر عال المشاريف = شرواك نشري رفقته ما نبيعه
ماني بمن يحسب كثير التكاليف = قصر(ن) مسيس من قصور(ن) منيعه
حدد وانا جاهز على شاطي السيف = والشيخ يامر والعشيره تطيعه
ون قاله الله ليسمعون الغطاريف = ماله شفاعه لو شفعله شفيعه
وارقا النخل لو كان مابه كرانيف = ماني بمن شوفه يقرع قريعه
بالكيف ابا ادبل كثر ماشربه حنيف = وبالحرب ابا جدد لحرب الوديعه
مادام قائدنا معزب وانا ضيف = تسهل ولو قدمي سهوم(ن) شنيعه
بنك الوفا يفتح جميع المظاريف = من بنك جاهز ما يدور سبيعه
وانا اعرفك ماني حاجه لتعريف = وقت الحفوف بالوقوت الشبيعه
وانا على خبرك برفحا وبطريف = ذئب الذئاب ولا تهزه فجيعه
والسارق المزاح ما بان لو شيف = ون شيف شيعي قال ادور لشيعه
شد القديمي واطعنه بالشراشيف = وطف الهيب(ن) فيه شبت وليعه
وانا معك مهما تهب العواصيف = والسيف بالميقاف يجهر لميعه
مبا تحسف كم قلوب(ن) مواليف = واليوم من بعض المواقع نزيعه
حي الجواب ولنت محتاج تصنيف = ما غير لماضي وقوت الفريعه