مرت علي أيام وليال ما نمت=كن المحاجر جوفها حط جمره
لكن بعدي منها ما تعلمت=ما كن قلبي شائن الهم ضره
ياما شكيت من الجروح وتألمت=وأنسى جروحي لا حصل لي مسره
كم قلت منها آآه لو ما تكلمت=الا بغيابك قلتها الف مره
وإن كان ماعودت فوقي تحطمت=صارت حياتي بعد غيبتك مره
بعد ملكت القلب فوقه تحكمت=عندك مفاتيحه بخيره وشره
ياما بزولك في زماني تحلمت=لكن حلمي نازح البين غره
لو كان مابه يوم والله تندمت=على غرامك في فؤادي وحره
حتى ولو جار الهوى ما تظلمت=دامن قلبي جائر الشوق جره
يكفيني بدنياي لو يوم سلمت=أشوفها يازين أكبر مبره
تجذبني عيونك ليا من سلهمت=أدور حولك مثل نجم بمجره
بين الرجا واليأس لأجلك تقسمت=خائف على مثلك زمانه يغدره
من بعدكم ياناعس الطرف حرمت=ماعاد إلي بالصبر مثقال ذره

صح بدنك ولا هنت

سعدت برد

لك

تحيتي

المشاركة الأصلية كتبت بواسطة marmar (المشاركة 54410) تسلم ايدك ع الابداع الرائع ننتظر مزيدا من هذا العطاء الله يعطيك العافية

صح بدنك ولا هنت

سعدت بحضورك الكريم وردك الجميل

لك

تحيتي