قال لي:بجيك لاتذهب ياهن=إنتظرني على الساعة عشر
بي شوق ولهف لفؤادي فتن=ربع ساعة بس ويجيك الخبر
قلت له:ممنون رد:بدون من=ربع ساعة إنتظرني مو دهر
ربع ساعة لو تبي عمري ثمن=بدفعه بس المهم أنت تحضر
ربع ساعة صارت بعمر الزمن=أنتظر وأحسبه مثلي ينتظر
ربع ساعة كلها شوق وشجن=كن فيها عقرب الساعة إنتحر
بي لهف وشوق ياكبره لكن=وينه اللي باهبه باق العمر
وينه اللي صار لأحلامي وطن=وينه اللي صار لعيوني نظر
وينه اللي صار لأشعاري لحن=وينه اللي صار لأفكاري بحر
وينه اللي جامع من كل فن=وينه اللي نادر(ن)بين البشر
نبض قلبي بنتظاره ما سكن=يرتعد سواة رعد(ن)في مطر
مرت الساعات وأيام وزمن=إختفى ماعاد بالدنيا ظهر
ياحسافة ليش ترهني رهن=كيف تجعلني ضحية للسهر
ليش ما فكرت قدام الطعن=ما خطر في بالك(ي)هذا الخطر
آه ياكبر المصيبة والغبن=كيف تخلف موعدك ما تفتكر
ماخطر في بالك(ي)يمكن أجن=وأهون الأحوال تذبحني قهر