القوافل العربية - محاوره قويه بين بوش وبلير

القوافل العربية (https://www.alqwafel.com/vb/index.php)

- قوافل المحاورات المنقولة النصية (https://www.alqwafel.com/vb/forumdisplay.php?f=153)

- - محاوره قويه بين بوش وبلير (https://www.alqwafel.com/vb/showthread.php?t=7453)

محاوره قويه بين بوش وبلير

محاوره شعريه بين بوش وتوني بلير فكاهيه ارسلها لي احد الاخوان بلوتوث
لغرض الترفيه والاستمتاع ارجوا ان تنال اعجابكم

بلير :ــ
الله لا يجزاك بالخير يا بــــوش .... ورطتنا في حرب صدام ورطــــه
عزمتني وتقول بترول وقروش .... بس الحقيقه روحتي معك غلطه

بوش:ــ
يابلير رد العلم عن بوش ابن بوش...الله خلقنا للمقاريد صلطـــــه
ابوي عنده للرياجيل دنبوش .... كم واحد(ن) شلنا فلوسه ونفطه

بلير:ـ
ابوك والنعمين مير انت مربوش ...تموت فالبترول وتحب شفطــه
صحيح عندك مال وسلاح وجيوش ... مير اتوقع لك بنكـسه وسقطه

بوش:ــ
يابلير كانك حفت يوم احما الهوش...والله ما تاخذ من النفط نقطه
قبلك ترا شيراك قد راح مكروش ...عانه يصرح كل يوم في محطــه

بلير:ــ
وراك ما تعطي لشيراك عرموش ...تراه مشغلنا بشيله وحطـــــه
وليا انتهى موضوعنا نرسل طروش...تجمع لك المبلغ من الربع قطه

بوش:ــ
شيراك هذا عنده الفكر مدووش...فرط علي في مجلس الامن فرطه
يدزه اليابان والصين ويطوش ... ومزهب الفيتو لتحقيق شرطـــــــه

بلير:ــ
يابوش انا مرهق وخايف ومربوش... وانته تقول الحرب خدعه وخطه
اسراي واسراك امتلا منهم الحوش...عز الله انه صابني منك جلطه

بوش:ــ
ما قلت لك كم فيه اذاعات ودشوش...لاتكشف المعنى وانا اقول غطه
وان قالوا انا علوج واصحابنا جحوش...ما همنا الصحاف واللي يحطـــه

ابن عميش...

أشكرك على التواصل المستمر والحضور المميز

ما قصر شاعرها فصلها تفصيل

مشكور على النقل الرائع

بيض الله وجهك

لك مني خالص

تحيتي