البارحة الليل منكده من ليل=الليل كله بالسرير أتقلب
والليل يا شينه بليا تعاليل=وأنا على ذا الحال ماني مدرب
كل ما تقافا ويل جاني بعد ويل=عجزت من كثر الهموم أتهرب
حاولت أبدل بس ما فيه تبديل=ماني بلاقي شيء منه أتقرب
قضيت كل الليل أحط وأشيل=وأبني وأهد وكل شيء تخرب
وأصبح علي الصبح بليا محاصيل=ماكني الا تحت سافي مترب
ماعاد ينفع في طب(ن)وتجميل=أقبل زمان الهم والسعد جنب
عودي عوج ماعاد يصلحه تعديل=لو جئيت أعدل فيه كله تحطب
خلاص ظلي شائفه قرب يميل=أحسني غريب مدري مغرب
ماعاد فيني حيل لرد ومراسيل=فكري توقف كل مافيه صرب
أحس بالغربة ليا أمعنت تحليل=في كل ما حولي ولو هو مجرب
كني غديت اليوم مثل المهابيل=ماني بشايف شيء منه أتعجب
وأنا أشهد إن الهم ذيب الرياجيل=يهد حيل الرجل لو هو تغصب

المشاركة الأصلية كتبت بواسطة حورية البحر (المشاركة 66691) بن هليل صح لساانكـ وسلمت لنا يمنااك روعه القصيد .. ومشكورررر مبدع بطرحك كماعهدناك .. تسلم الأيادي يارب علىروعة ورقي الطرح .. لاتحرمنا جديدك فنحن من جماهير طرحك المميز وبأنتظاره .. كل التقديــــــــــر..

الله يسعدك بكل وقت وحين


سعدت بمرورك


عطرتي القصيدة وجملتيها بشذى حرفك

فانتي صاحبة ذائقة شعرية راقية


لا عدمت وجودك وحضورك المميز


تقبلي خالص الامنيات

وأعذب التحايا

الله يسلمك يالذيب


سعدت بردك


لا تقلق ما هو الا قول شاعر

صح بدنك ولا هنت



سعدت بردك الطيب