قالت حذاري تقرب يوم من ناري=أخاف تحرقك والا تحرق ثيابك
كسرت أنا بعدكم عودي ومزماري=من خوف لا تفقد أحلامك وأعصابك
أرجوك بعد وحذرا تشغل أفكاري=عجزت تفهم كتابي وأفهم كتاب
من يوم صارت حياتك بايع وشاري=ما ودي أسمع معاذيرك ولا عتابك
لاعاد تنشد عن أحوالي ولاأخباري=سكرت بابي وليتك تقفل أبوابك
قلت العفو صار مني شيء مو داري=قل لي بمانة ووضح شنهي أسبابك
شفت الجفا واضح(ن) بردك الناري=وش صار من بعدنا دخيل من جابك
والا طرى لك بعدنا بالزمن طاري=ماهي غصيبة عليك ابقا من أحبابك
لاكان منته بسامع مني أعذاري=مافيه داعي على ما فيه نتشابك
لا تزعل الروح مني اسر ياساري=صحيح وش ترتجي من شخص ما ثابك
برحل وأسامر بعدكم نوتة أشعاري=هي سلوتي بالزمن والأنس بغيابك
بكفيك نفسي وأروح بشري وخاري=مافيه داعي يكشر فوقنا نابك
ببني على ماضي الأيام بأسواري=ومن هو يودك ترا لو عبت ما عابك

الف شكر لك


مرورك وردك


عطر الصفحة


دمتي بخير

كلك ذوق وحرفك يروق



عطرتي الصفحة بالمرور


وجملتيها بنقش حرفك بالرد


لك كل التقدير


تقبلي تحيتي

صح بدنك ولا هنت



سعدت بردك الطيب



لك تحيتي